: Indonésia
Tingkuliat jiwa-jiwa rangkebong
Tingkeureuceum
Indung beurang siang
Srangéngé anjang-anjangan
Di buruan
Cita-cita ngarorongkong
Sadami-sadami rénghapan deui
Hurip waras dipuah dijampé
Pamunah lungsé
Cug-ceg sapaculna sagarpuhna
Mitembeyan lemah angar
Ditugar kajeun ngageduk
Engké gé gecruk
Sugan baé Nyai Sri teu jalir jangji
Monténgkeun kapercayaan diri
Ngamalir na bébécék-bébécék nu narumpi
Dina tuna-tuna harti
Sugan baé Nyi Pohaci henteu lali
Merebey kesang sabulu-bulu katunaan
Juuh cimata panas na juru-juru kasangsaraan
Baeu hijikeun pabinihan, hayu cébor
Susuganan Nyi Sanghiyang kersa lugay
Dikotrét mangsa bihari
Seug medal lambaran weweg
Jilid panceg
Kabaca gedukna
Kapireng berebeyna
Karasa juuhna
Nyi Pohaci Sanghiyang Sri
Mo enya rek lanca-linci
Tidak ada komentar:
Posting Komentar